Bazuar në marrëveshjen e bashkëpunimit Nr. 2225 Prot dhe Nr. 18-247 Prot datë 09.07.2018 të lidhur me Qendrën Ndëruniversitare të Shërbimeve dhe Rrjetit Telematik ( RASH ), Posta Shqiptare kryen shërbimin e  arkëtimit të tarifës së aplikimit të regjistrimit në Institucionet e Arsimit të Lartë.
Shërbimi kryhet në të gjitha zyrat e Postës Shqiptare.

Posta Shqiptare, duke filluar nga data 06.05.2019, ofron në sportelet e saj në të gjithë Shqipërinë, shitjen e kartave për shërbimin më të ri, TELEDOC. TELEDOC është shërbimi i cili për herë të parë në Shqipëri, sjell mjekun më pranë jush, në çdo kohë, 24 orë në ditë. Nëpërmjet aplikacionit të TELEDOC, ju mund të telefononi mjekun specialist për çdo problem apo shqetësim shëndetësor që ju keni.

Të gjithë pensionistët, tashmë mund ta tërheqin shumën e përfituar nga pensioni i pleqërisë në çdo sportel të Postës Shqiptare. Me përfundimin e procesit të ndërtimit të bazës së të dhënave elektronike të pensioneve, informatizimin e sistemit të pagesave dhe të procesit të kontrollit të tyre, është bërë e mundur lehtësimi i procedurave të transferimit të qendrës paguese të pensionit, pavarësisht nga vendbanimi, sipas regjistrit të gjendjes civile.

Posta Shqiptare dhe Agjensia e Ofrimit të Shërbimeve Publike të Integruara (ADISA) kanë nënshkruar një marrëveshje bashkëpunimi për ofrimin e të gjitha shërbimeve të Postës Shqiptare, pranë zyrave rajonale/vendore të ADISA, duke ofruar tashmë një ONE STOP SHOP të vërtetë për qytetarët.