Vizitë në Zyrën Postare Sarandë

Nën drejtimin e z. Etjen Xhafaj, Administrator i Posta Shqiptare sh.a., vijojnë inspektimet në të gjitha njësitë e shërbimit me qëllim garantimin e standardeve gjithnjë e më të larta për qytetarët. Gjatë ditës së sotme, vëmendja u përqendrua në Zyrën Postare të Sarandës, ku u vlerësua nga afër puna e stafit dhe funksionimi i shërbimeve të ofruara. Inspektimi u konkretizua në masa dhe rekomandime të qarta, të bazuara në komunikimin e drejtpërdrejtë me stafin dhe evidentimin e nevojave prioritare, duke synuar përmirësimin e vazhdueshëm të cilësisë së shërbimit dhe rritjen e efikasitetit në shërbim të qytetarëve.