8
8

Posta Shqiptare dhe Raiffeisen Bank nënshkruajnë marrëveshjen e bashkëpunimit për depozitime cash pranë sporteleve të zyrave postare

/Posta Shqiptare dhe Raiffeisen Bank nënshkruajnë marrëveshjen e bashkëpunimit për depozitime cash pranë sporteleve të zyrave postare
Posta Shqiptare dhe Raiffeisen Bank nënshkruajnë marrëveshjen e bashkëpunimit për depozitime cash pranë sporteleve të zyrave postare 2019-10-08T14:30:40+00:00

Posta Shqiptare dhe Raiffeisen Bank nënshkruajnë marrëveshjen e bashkëpunimit për depozitime cash pranë sporteleve të zyrave postare

 

 

 Posta Shqiptare dhe Raiffeisen Bank kanë nënshkruar marrëveshjen e bashkëpunimit për shërbimin më të ri që do të ofrojnë, për të gjithë klientët, atë të depozitimit cash pranë sporteleve të zyrave postare.

Marrëveshja e bashkëpunimit u nënshkrua nga Administratori i Postës Shqiptare, z. Laert Duraj dhe Drejtori i  Përgjithshëm i Raiffeisen Bank, z. Christian Canacaris.

Nëpërmjet kësaj marrëveshje, Posta Shqiptare u ofron klientëve të Raiffeisen Bank mundësinë për të kryer transaksione për depozitime cash në llogari të klientëve të bankës apo në llogaritë e personave të tretë (individë dhe biznese të vogla), në zonat e pa mbuluara nga rrjeti i degëve/agjencive.

Në ceremoninë e nënshkrimit të kësaj marrëveshje Administratori i Postës Shqiptare z. Laert Duraj u shpreh: “Kjo marrëveshje midis Postës Shqiptare dhe Raiffeisen Bank, në thelb ka kryerjen e shërbimeve të depozitimeve cash në sportelet e Postës Shqiptare, për llogari të Raiffeisen Bank, në 9 qytete që banka nuk ka degë të saja. Jam i bindur që ky është hapi i parë i një rrugëtimi të gjatë që Posta Shqiptare dhe Raiffeisen Bank do të kryejnë së bashku, për të ofruar një sërë shërbimesh për qytetarët, duke përfshirë të gjithë gamën e shërbimeve financiare që do të mundemi të ofrojmë. Jam shumë i lumtur që me Raiffeisen Bank po firmosim brenda një kohe të shkurtër marrëveshjen e dytë të bashkëpunimit, e cila për Postën Shqiptare përfaqëson një sfidë të kaluar me sukses, pas muajve të gjatë përgatitje të stafit. Posta Shqiptare tregoi që i përmbush të gjitha standardet e Raiffeisen Bank dhe sot konkretizuam këtë marrëveshje shumë të rëndësishme bashkëpunimi për të dyja palët”.

 Në fjalën e tij, Drejtori i  Përgjithshëm I Raiffeisen Bank z. Christian Canacaris u shpreh: “Jam shumë i lumtur që pas një pune gati 1 vjeçare nga të dy ekipet, me një dedikim shumë të madh, jemi në gjendje të fillojmë punën në 9 qytete pilot pranë degëve të postës. Dhe për koincidence është edhe 15 vjetori i bankës Raiffeisen dhe kjo më bën akoma edhe me të lumtur që të firmosim këtë marrëveshje së bashku. Do të doja të theksoja se kjo marrëveshje midis dy institucioneve është vetëm fillimi i një bashkëpunimi të gjatë midis Raiffeisen Bank dhe Postes Shqiptare. Edhe njëherë dua të falënderoj të dy ekipet, atë të Raiffeisen dhe të Postës për bashkëpunimin e tyre, që e bënë të mundur finalizimin e këtij momenti”.

 Faza e parë e bashkëpunimit do të aplikohet në 9 zyra postare, në qytetet Memaliaj, Këlcyrë, Poliçan, Fushë-Arrëz, Shëngjin, Rrogozhinë, Maliq, Belsh dhe Delvinë.